စင်္ကာပူတွင် အမေရိကန်ဖက်ရှင်ကုမ္ပဏီ၏ ကြော်ငြာဘုတ်များ ခွင့်ပြုထားမှုရပ်ဆိုင်း
စင်္ကာပူ နိုင်ငံက အမေရိကန် ဖက်ရှင် ကုမ္ပဏီ A&F၏ ကြော်ငြာဘုတ်များကို ခွင့်ပြုထားမှု ရပ်ဆိုင်းလိုက်ကြောင်း သိရှိရသည်။ အပေါ်ပိုင်း ဗလာကျင်းထားသည့် အမျိုးသား တစ်ဦး၏ လိင်ပိုင်းဆိုင်ရာ နှိုးဆွသော ပုံရိပ်ကို ဖော်ပြထားသည့် အဆိုပါ ကြော်ငြာများသည် နိုင်ငံ၏ ကြော်ငြာစည်းမျဉ်းတွင် ထည့်သွင်းထားသည့် ယဉ်ကျေးမှုကို ထိခိုက်စေသည်ဆိုသော အချက်နှင့် မလွတ်ကင်းကြောင်း တာဝန်ရှိသူများကဆိုသည်။
အဆိုပါ စည်းမျဉ်းများကို သတ်မှတ် ပြဋ္ဌာန်းခဲ့သည့် စင်္ကာပူ ကြော်ငြာဆိုင်ရာ စံနှုန်းသတ်မှတ်ရေး အာဏာပိုင်အဖွဲ့ (ASAS) က အဆိုပါ ကြော်ငြာဘုတ်များကို ဖယ်ရှားရန် တောင်းဆိုခဲ့သည်။ သို့သော်လည်း ASAS အနေနှင့် ယင်းတားမြစ်ပိတ်ပင်မှုကို အတိအကျ အကောင်အထည်ဖော်ရန် ဥပဒေအရ အခွင့်အာဏာ အပြည့်မရှိဟုလည်း သတင်းများကဆိုသည်။ ယင်းပုံသည် တောင့်တင့်တင်းတင်း အမျိုးသား မော်ဒယ်လ်တစ်ဦးက ခါးအောက်ပိုင်းတွင် အလွန်နှိမ့်ထားသည့် ဘောင်းဘီကို ဝတ်လျက်သား ဓာတ်ပုံရိုက်ထားခြင်းဖြစ်သည်။
လက်ရှိအချိန်ထိ အော့ကက်လမ်းရှိ နိုက်ဘရစ်ဂျ် ဈေးဝယ်စင်တာကြီးအနီးတွင် လေးရောင်ခြယ် အဆိုပါ ကြော်ငြာဘုတ်ကြီး ရှိနေဆဲဟုလည်း မျက်မြင်များကဆိုသည်။ ဒေသခံ အချို့တို့က Straight Time သတင်းစာ၏ Forum ကဏ္ဍတွင် ပြီးခဲ့သည့် လကတည်းက ယင်းသို့သော ကြော်ငြာဘုတ်များကို ပိတ်ပင်သင့်ကြောင်း ဆန္ဒပြု ရေးသားခဲ့ကြသည်။
No comments: