ဖြစ်ပျက်နေသော ဖြစ်စဉ်များ ( ရန်နိုင်ထွန်း )

သူခိုးပြေးပြီဆိုကာမှ ထိုးကွင်းတွေကိုထမနေနဲ ့တော့

မာန်ရေးတကြွကြွ ဟန်ရေးပြ

ပြည့်အရေးမလှတာ ကြာခဲ့ပါပြီ၊

ကျောချသွားပြီဆိုကာမှ

ဓမြ ဓမြ ဟစ်ကာ မနေပါနဲ ့တော့

ရေတွက်လို ့မရ ခံခဲ့ရ

အံကြိတ်ရတာ များခဲ့ပါပြီ၊

စစ်ပွဲပြီးမှ ဗျူဟာချ

ဖြူပြာကျမှ ပလူပျံထ

ပြောကြ ဆိုကြ ဝေဖန်ကြ

မိုးလွန်ထွန်ချ ဖြစ်ခဲ့ပါပြီ၊

ဒဏ်ရာများလို ့ ထုံနေသလား

ကြံရာမရလို ့ဟုန်နေသလား

နောက်ကျသွားတဲ့ သမိုင်းကြောင်းကြားမှာ

တိုင်းပြည်ကတော့ နုံချာသွားပြီ ။ ။

ရန်နိုင်ထွန်း

( လွတ်မြောက်နယ်မြေ ) ကိုရီးယား