ဒေါင်းဒင်္ဂါး ( မောင်ရောင်ဏီသစ် )
ကျုုပ်တို့ကို
ခေတ်ပုပ်ပုပ်တွေထဲ
ဘယ်သူတွေက
ဇွတ်အတင်း
သွတ်သွင်းခဲ့တာလည်း။
ကျုပ်တို့ နှလုံးသားပေါ်
ခြေရာတွေ
ဘယ်သူတွေက
ချန်ထားခဲ့တာလည်း။
ဒါဏ်ရာအထပ်ထပ်
လောကဇာတ်ခုံ အတုပေါ်
မျက်ရည်
ဘဝတွေ
အငွေ့ပျံ။
ပဲ့တင်သံ မြစ်ဖျားဟာ
နွေ(၃၀) ခြားသွားပေမဲ့
ဘယ်တော့မှ တိမ်ကောမသွားဘဲ
ရာဇဝင် နှလုံးသားထက်က
သေရာပါမည့်
ခြေရာတွေပေါ့။
ကျုပ်တို့ရဲ့ အချိန်တွေကို
ခိုးစားသွားတဲ့
မိစ္ဆာတို့ရေ---------။
ဖိနှိပ်ခြင်း ဥပဒေတွေ
ထောင် ငရဲခန်းတွေ
လူသတ် လက်နက်တွေနဲ့
အခါခါ မခြောက်ကြပါနဲ့
သွေးအိုင်ထဲကနေ
ကြိုးစင် တက်ရဲတဲ့
နူးညံ့တဲ့ သံမဏိနှလုံသား
ကျုပ်တို့မှာ ရှိတယ်။
ခန္ဓာကိုယ်က
သွေးကြောတွေ ပါးပျဉ်းထ
မိုးကောင်းကင်ပြိုကျလို့
နောဧရဲ့ သင်္ဘောပေါ်မှာ
“အရိမေတ္တယျ ဘုရားအလောင်းလျှာ”ကို
ဖွားမြင်တဲ့အခါ
ကမ္ဘာမြေဟာ
ဖြူစင်တဲ့
သူ့ ရင်သွေးအတွက်
ငိုကြွေး ရလိမ့်မယ်။
( မောင်ရောင်ဏီသစ် )
ဒေါင်းဒင်္ဂါး ( မောင်ရောင်ဏီသစ် )
Reviewed by Aung Maw
on
8:36 AM
Rating:
No comments: